پاکستان اور آسٹریلیا کے درمیان پہلے ون ڈے میچ میں پاکستان کی آسٹریلیا کے خلاف بیٹنگ جاری ہے۔میلبرن میں  میچ کا ٹاس آسٹریلیا کے کپتان پیٹ کمنز نے جیت کر پہلے پاکستان کو بیٹنگ کی دعوت دی۔ محمد رضوان پہلی مرتبہ گرین شرٹس کی قیادت کر رہے ہیں۔پاکستان اور آسٹریلیا کے درمیان 3 ون ڈے میچوں کی سیریز کا یہ پیلا میچ ہے جوکہ میلبرن کے کرکٹ گراؤنڈ پر کھیلا جارہا ہے۔ تین ون ڈے میچز پر مشتمل سیریز کے پہلے میچ میں پاکستان کی آسٹریلیا کے خلاف بیٹںگ جاری ہے، قومی ٹیم کے 117 رنز پر 6 کھلاڑی پویلین لوٹ گئے ہیں۔ سابق کپتان وسیم اکرم نے ٹاس سے قبل صائم ایوب اور عثمان خان کو ان کے ڈیبیو پر گرین کیپ دی۔ بھارت میں گزشتہ سال ہونے والے آئی سی سی ون ڈے ورلڈ کپ کے بعد پاکستان کا یہ پہلا ون ڈے میچ ہے۔ پاکستان پلیئنگ الیون میں صائم ایوب، عبداللہ شفیق، بابر اعظم، محمد رضوان (کپتان)، کامران غلام، سلمان آغا، عرفان خان، شاہین شاہ آفریدی، حارث رؤف، نسیم شاہ، محمد حسنین شامل اور  آسٹریلیا پلیئنگ الیون میںمیتھیو شارٹ، جیک فریزر، اسٹیون اسمتھ، جوش انگلز، مارنس لبوشین، گلین میکسویل، آرون ہارڈی، سین ایبٹ، پیٹ کمنز (کپتان)، مچل اسٹارک، ایڈم زمپا شامل ہیں۔آسٹریلیا کے خلاف  یہ ون ڈے کرکٹ سیریز پاکستان ٹیم کے لئے ایک اور امتحان ہے۔