اسرائیلی قابض فوج نے کارروائیاں کرتے ہوئے  الخلیل شہر کے تل رمیدہ سے 9 بچے گرفتار کر لئے ۔غیرملکی خبررساں ادارے کے مطابق قابض فوج نے التمیمی، متعب اور شاہین خاندانوں کے 9 بچوں کو گرفتار کیا، جن کی عمریں 8 سے 13 سال کے درمیان تھیں۔ انہیں اس وقت گرفتار کیا گیا جب وہ تل رمیدہ کے محلے میں اپنے سکولوں سے چھٹی کے بعد اپنے گھروں کو واپس جا رہے تھے۔ قابض فوج نے بچوں کو نامعلوم مقام پرمنتقل کردیا۔قابض فوج نے جبل الرحمہ، تل رمیدہ، الشہدا سٹریٹ، السہیلہ محلے کے علاقوں اور ابراہیمی مسجد اور پرانے شہر کے قرب و جوار میں فوجی چوکیاں قائم کیں اور ناکے لگا کر فلسطینیوں کی شناخت پریڈ کی گئی۔

چین سے آئے جیانگ سو پولیس افسران کے وفد نے پنجاب سیف سٹیز اتھارٹی کا دوہ کیا