غیر قانونی تارکین وطن کو 31 اکتوبر کے بعد کوئی رعایت نہیں دی جائیگی: محکمہ داخلہ پنجاب
اجلاس میں سپیشل سیکرٹری داخلہ فضل الرحمان، ڈی آئی جی آپریشن محمد وقاص اور ایڈیشنل سیکرٹری انٹرنل سیکورٹی عثمان خالد خان اور قانون نافذ کرنے والے اداروں کے افسر بھی موجود تھے، اجلاس کے شرکاء کو وفاقی وزارت داخلہ کی جانب سے غیر قانونی مقیم غیر ملکیوں کے حوالے سے بریفنگ دی گی۔ اجلاس میں لیگل دستاویزات کے بغیر رہنے والے فارن نیشنلز کے حوالے سے وفاقی حکومت کی پالیسی سے آگاہ کیا گیا، ایڈیشنل چیف سیکرٹری داخلہ پنجاب میاں شکیل احمد نے کہا کہ وفاقی حکومت کی ہدایت کے مطابق پی او آر کارڈ نہ رکھنے والے غیر ملکیوں کو 31 اکتوبر کے بعد کوئی رعایت نہیں دی جائے گی۔ ایڈیشنل چیف سیکرٹری داخلہ میاں شکیل احمد کے زیر صدارت اجلاس میں بذریعہ آن لائن پنجاب بھر کے کمشنرز سے بھی غیر قانونی فارن کے حوالے سے تجاویز لی گئیں۔
