وزیراعلیٰ پنجاب چودھری پرویز الٰہی کی 90 شاہراہ قائداعظم آمد وزیراعلیٰ چودھری پرویز الٰہی کی یوم استحصال کشمیر کی تقریب میں شرکت وزیراعلیٰ چودھری پرویز الٰہی کا یوم استحصال کشمیر کی تقریب سے خطاب ہندوستان نے قیام پاکستان کے وقت ہی سازشیں شروع کر دیں۔ کشمیر میں مداخلت کرکے ہندوستان نے امن کی فضا خراب کی۔ دوسری طرف فلسطین میں سازش کرکے امن خراب کیا گیا۔ کشمیر پاکستان کی شہ رگ ہے او رپاکستان کشمیر سے ہی مکمل ہوگا۔ سابق وزیراعظم عمران خان نے عالمی سطح پر مسئلہ کشمیر کو بھرپور طریقے سے اجاگر کیا۔ میں عمران خان کو تنازعہ کشمیر جنرل اسمبلی میں موثر طریقے سے اٹھانے پر خراج تحسین پیش کرتا ہوں۔ کشمیر ی عوام کے ساتھ پاکستانی قوم کے خونی رشتے ہیں۔ کشمیر یوں کی جدوجہد آزادی جاری رہے گی۔ بھارت نے مقبوضہ کشمیر میں ظلم کی انتہا کردی۔ اب بھارتی تنظیمیں بھی کشمیری عوام پر ظلم و ستم کے خلاف اٹھ کھڑی ہوئی ہیں۔ او آئی سی کے اہم رکن ممالک کو تنازعہ کشمیر کے حل کیلئے اپنا بھرپور کردار ادا کرنا چاہیئے جب تک ہم خود کچھ نہیں کریں گے تو کوئی ہماری مدد کو نہیں آئے گا مقبوضہ کشمیر میں بدترین لاک ڈاؤن پر دنیا بھر میں آوازیں اٹھ رہی ہیں۔ برطانوی پارلیمنٹ میں کشمیر ایشو پر آواز اٹھی ہے مجھے یقین ہے کہ وہ وقت دور نہیں جب کشمیر آزاد ہو کر رہے گا۔ حریت رہنما یاسین ملک نے جدوجہد آزادی کیلئے بے پناہ قربانیاں دی ہیں۔ یاسین ملک سے جیل کے اندر غیر انسانی سلوک کیا جا رہا ہے۔ یاسین ملک کو ٹرائل کا بنیادی حق نہیں دیا جا رہا۔ یاسین ملک نے جیل میں بھوک ہڑتال کر رکھی ہے اور ان کی حالت خراب ہے۔ ظلم کی انتہا ہے کہ مقبوضہ کشمیر میں لوگوں کو گھروں سے نکال کر گولیاں ماری جا رہی ہیں بعض جگہوں پر بھارتی فوج نے معصوم لوگوں پر گولیاں چلانے سے انکار کیا ہے۔ بین الاقوامی تنظیمیں بھی مقبوضہ کشمیر کی صورتحال پر تشویش کا اظہار کر رہی ہیں ترکیہ اور پاکستان نے مسئلہ کشمیر کے لئے بھرپور آواز اٹھائی ہے۔ میں ترکیہ کے صدر رجب طیب اردوان کو خراج تحسین پیش کرتا ہوں۔ کشمیری بھائیوں کو یقین دلاتا ہوں کہ نہ صرف پنجاب بلکہ پورا پاکستان آزادی کشمیر کی جدوجہد میں ان کے ساتھ ہے۔ پاکستان کشمیری عوام کی جائز جدوجہد میں پیچھے نہیں ہٹے گا۔ کشمیر کی آزادی تک کشمیری عوام کا ساتھ دیں گے۔چودھری پرویز الٰہی حریت رہنما انجینئر مشتاق احمد شاہ نے بھی تقریب سے خطاب کیا رکن پنجاب اسمبلی ڈاکٹر یاسمین راشد، کشمیری حریت رہنماؤں انجینئر مشتاق احمد شاہ، امتیاز اقبال وانی، اوورسیز پاکستانیز سکاٹ لینڈ کے صدر شبیر شاہ، ایڈیشنل چیف سیکرٹری، ایڈیشنل چیف سیکرٹری داخلہ، سیکرٹری اطلاعات، ڈپٹی کمشنر لاہور اور دیگر شخصیات نے تقریب میں شرکت کی۔

خیبر پختونخوا میں بھی سکول کھل گئے۔