کورونا وائرس : دنیا بھرمیں اموات کی تعداد 15 لاکھ 24 ہزار سے تجاوز

تفصیلات کے مطابق دنیا بھرمیں کورونا سے ہلاکتوں کا سلسلہ جاری ہے ، کورونا سے متاثرہ ممالک میں امریکا تاحال سرفہرست ہے، کورونا کے باعث سب سے زیادہ کیسز اور اموات امریکہ میں رجسٹرڈ ہوئی ہیں ۔ امریکا میں 24 گھنٹے کے دوران مزید دو ہزار سے زائد اموات ہوئیں ۔ 2 لاکھ 85 ہزار 550 اموات اور ایک کروڑ 47 لاکھ 72 ہزار سے زائد کیسز رپورٹ ہو چکے ہیں۔ امریکی ریاست کیلیفورنیا میں رات کے اوقات میں کرفیو نافذ کردیا گیا ہے اورحکومت نے واضح کردیا ہے کہ مزید صورتحال خراب ہونے پرسخت لاک ڈاؤن بھی لگایا جاسکتا ہے ۔ نئی پابندیوں کے تحت لوگوں کو 10 بجے سے صبح 5 بجے تک گھروں میں رہنا ہے، حکام نے لوگوں کو سماجی فاصلہ اپنانے کی ہدایات جاری کردیں ۔