اسلام آبادڈسٹرکٹ اینڈسیشن کورٹ نے تھانہ ترنول میں درج مقدمے میں اسد عمر کی عبوری ضمانت میں 10 جون تک توسیع کردی۔ نجی ٹی وی چینل جیو نیوز کے مطابق اسلام آباد کی مقامی عدالت میں اسد عمر کے خلاف تھانہ ترنول میں درج مقدمے میں عبوری ضمانت میں توسیع کے کیس کی سماعت ہوئی،ایڈیشنل سیشن جج طاہر عباس سپرا کی عدالت میں اسد عمر پیش ہوئے ،بابراعوان کے ملک سے باہر ہونے کے باعث ایسوسی ایٹ وکیل سردار مصروف عدالت میں پیش ہوئے۔ ایسوسی ایٹ پراسیکیوٹرنے کہاکہ پراسیکیوٹر کی والدہ کا انتقال ہو گیاہے، وہ چھٹی پر ہیں،ایسوسی ایٹ پراسیکیوٹر نے استدعا کی کہ اسد عمر کے خلاف سماعت ملتوی کی جائے، اسد عمر نے ایسوسی ایٹ پراسیکیوٹر سے مکالمہ کرتے ہوئے کہاکہ آپ کو اور مجھے معلوم ہے اس کیس میں کچھ نہیں، میں واحد آدمی ہوں جس کے 9 اور10 مئی کے حوالے سے بیانات موجود ہیں،پراسیکیوشن کے پاس میرے خلاف کوئی ثبوت نہیں ہیں۔ وکیل صفائی سردار مصروف نے کہاکہ میں چاہتا ہوں آج ہی اس کے دلائل مکمل کردوں،عدالت نے ریمارکس دیئے کہ پراسیکیوٹر تو آئے ہی نہیں ہیں، اگلی تاریخ رکھ لیتے ہیں،عدالت نے کیس کی سماعت بغیرکارروائی 10جون تک ملتوی کردی اوراسد عمر کی عبوری ضمانت میں 10جون تک توسیع کردی ۔

گھی اور تیل کی قیمتوں میں کمی ریکارڈ