عمران خان نے معاشرے میں نفرتوں کی جو آگ لگائی، اب خود ہی اسی آگ میں جلنے والے ہیں: مولانا فضل الرحمن
پی ڈی ایم کے سربراہ مولانا فضل الرحمن کا اپنے ایک بیان میں کہنا ہے کہ عمران خان نے معاشرے میں نفرتوں کی جو آگ لگائی، اب خود ہی اسی آگ میں جلنے والے ہیں، سیاست میں اندھی مذہبی جنونیت کا استعمال انہیں لے ڈوبے گا، گوجرانولہ واقعہ پنجاب کی حدود میں پیش آیا، جہاں پی ٹی آئی کی اپنی حکومت ہے، ملزم کو پی ٹی آئی کارکن نے پکڑ کے پنجاب پولیس کے حوالہ کیا، پنجاب پولیس نے ہی ملزم سے بیان لیا جس میں ملزم نے اعتراف جرم کیا کہ عمران دین کی توہین کے مرتکب ہوئے ، مولانا فضل الرحمن کا اپنے بیان میں مزید کہنا ہے کہ عمران خان اور اس کے رفقا بلاتحقیق وزیراعظم، رانا ثناء اللہ اور آئی ایس آئی کے افسران پہ الزام لگا کر اشتعال پھیلا رہے، جس سے معاملہ مشکوک ہو گیا، اس معاملہ کی اعلی سطحی تحقیقات ضروری ہو گئی ہے تاکہ قوم کو اصل حقائق سے باخبر رکھا جا سکے، ایسے واقعات کو سیاسی مقاصد کے لئے استعمال کرنے کے نتائج خطرناک ہوں گے، کل کوئی تیسری قوت فائدہ اٹھا کر ملک و قوم کو مشکل میں ڈال سکتی ہے، عمران مذہب سے ناواقف ہیں لیکن ہر معاملہ میں مذہبی ٹچ دیکر اپنے کارکنوں کو گمراہ کرنے کے علاوہ مذہبی جنونیت کو فروغ دیا ،
اس کے نتائج ملک اور معاشرہ کے علاوہ خود عمران اور اس کی جماعت کے لئے بھی اچھے نہیں ہوں گے۔
