کرونا وائرس: ایک روز میں مزید 3 ہزار سے زائد نئے کیسز رپورٹ
گزشتہ 24 گھنٹوں کے دوران ملک بھر میں کرونا وائرس سے مزید 61 سے زائد اموات رپورٹ کی گئیں جبکہ 3 ہزار سے زائد نئے کیسز رپورٹ ہوئے۔ تفصیلات کے مطابق نیشنل کمانڈ اینڈ آپریشن سینٹر کا کہنا ہے کہ گزشتہ 24 گھنٹوں کے دوران کرونا وائرس کے 61 مریض انتقال کر گئے جس کے بعد کرونا وائرس سے مجموعی اموات کی تعداد 26 ہزار 175 ہوگئی۔ این سی او سی کا کہنا ہے کہ گزشتہ 24 گھنٹوں کے دوران کرونا وائرس کے 3 ہزار 747 نئے کیسز رپورٹ ہوئے، ملک میں کووڈ 19 کے مجموعی کیسز کی تعداد 11 لاکھ 79 ہزار 305 ہوگئی۔ ملک میں کرونا وائرس سے صحت یاب مریضوں کی مجموعی تعداد 10 لاکھ 60 ہزار 881 ہوگئی۔ این سی او سی کے مطابق گزشتہ 24 گھنٹوں کے دوران کرونا وائرس کے 57 ہزار 908 ٹیسٹ کیے گئے، اب تک ملک میں 1 کروڑ 80 لاکھ 53 ہزار 326 کووڈ 19 ٹیسٹ ہوچکے ہیں۔