نگران وزیراعظم انوار الحق کاکڑ کی زیر صدارت پیٹرولیم ڈویژن کےحوالے سے اعلیٰ سطحی اجلاس نگران وزیراعظم کو پیٹرولیم ڈویژن کی کارکردگی کے حوالے سے تفصیلی بریفنگ پاکستان کے بے پناہ قدرتی وسائل کی صلاحیت کو بھرپور طریقے سے استعمال کرنے کے لیے مزید اقدامات اٹھانے کی ضرورت ہے : نگران وزیراعظم قدرتی وسائل تک رسائی کے لیے روڈ انفراسٹرکچر بہتر بنانے کی ضرورت ہے :نگران وزیراعظم غیر قانونی کان کُنی کو روکنے کے لیے سخت اقدامات اٹھائے جائیں: نگران وزیراعظم آئل اینڈ گیس ڈویلپمنٹ اتھارٹی کے سربراہ کی جلد تقرری کے لئے تمام قانونی تقاضے مکمل کیے جائیں :نگران وزیراعظم پیٹرولیم ڈویژن ملک میں تیل اور گیس کی پیداوار بڑھانے کے پروگرام پر کام کر رہی ہے : بریفنگ پیٹرولیم ڈویژن ملک میں مزید قدرتی وسسائل کی تلاش کے لیے کوشاں ہے : بریفنگ مختلف ذخائر سے تیل اور گیس کی ترسیل کے لئے پائپ لائنوں کے پراجیکٹس کو ترجیح دی جا رہی ہے : بریفنگ مائننگ سیکٹر میں غیر ملکی سر مایہ کاری کے فروغ کے لیے مثبت سمت میں پیش رفت جاری ہے : بریفنگ نگران وزیراعظم انوار الحق کاکڑ کی زیر صدارت پیٹرولیم ڈویژن کے حوالے سے اعلیٰ سطحی اجلاس آج اسلام آباد میں منعقد ہوا. نگران وزیراعظم کو پیٹرولیم ڈویژن کی کارکردگی کے حوالے سے تفصیلی بریفنگ دی گئی. اجلاس کے شرکاء سے گفتگو کرتے ہوئے نگران وزیراعظم نے کہا کہ پاکستان کے بے پناہ قدرتی وسائل کی صلاحیت کو بھرپور طریقے سے استعمال کرنے کے لیے مزید اقدامات اٹھانے کی ضرورت ہے.انہوں نے کہا کہ قدرتی وسائل تک رسائی کے لیے روڈ انفراسٹرکچر بہتر بنانے کی ضرورت ہے . انہوں نے ہدایت کی کہ غیر قانونی کان کُنی کو روکنے کے لیے سخت اقدامات اٹھاے جائیں. نگران وزیراعظم نے کہا کہ آئل اینڈ گیس ڈویلپمنٹ اتھارٹی کے سربراہ کی تقرری جلد کی جائے اور اس سلسلے میں تمام قانونی تقاضے مکمل کیے جائیں. اجلاس کو بتایا گیا کہ پیٹرولیم ڈویژن پروڈکشن اینھانسمنٹ پروگرام پر کام کر رہی ہے . اجلاس کو مزید بتایا گیا کہ پیٹرولیم ڈویژن ملک میں مزید قدرتی وسائل کی تلاش کے لیے کوشاں ہے. پیٹرولیم ڈویژن منرل سیکٹر ڈویلپمنٹ فریم ورک مرتب کر رہی ہے اور مائننگ سیکٹر میں غیر ملکی سر مایہ کاری کے فروغ کے لیے پیٹرولیم ڈویژن مثبت سمت میں آگے بڑھ رہی ہے. اجلاس میں نگران وفاقی وزیر پاور و پیٹرولیم محمد علی , مشیر نگران وزیراعظم احد چیمہ اور متعلقہ سرکاری افسران نے شرکت کی.

محکمہ تعلیم سندھ نے موسم سرما کی تعطیلات کا اعلان کر دیا