فلسطینی تنظیموں نے اسرائیل کی طرف سے غزہ کی پٹی پر 10 سال سے مسلط ناکہ بندی توڑنے کےلئے ایک نیا بحری قافلہ روانہ کرنے کا اعلان کیا ہے۔ مرکز فلسطین اطلاعات کے مطابق فلسطین نیشنل موومنٹ برائے انسداد ناکہ بندی غزہ کی قومی کمیٹی کے ترجمان ادھوم ابو سلمیہ نے ایک پریس کانفرنس میں بتایا کہ وہ عنقریب ایک بحری قافلہ غزہ کی بندرگاہ سے عالمی سمندر میں روانہ کریں گے۔ ابو سلمیہ نے کہا کہ غزہ کی ناکہ بندی توڑنے کےلئے سرگرم تمام مقامی تنظیمیں ان کے اس مشن میں ان کے ساتھ ہیں اور وہ دنیا کےلئے غزہ سے امدادی قافلہ روانہ کرنے کےلئے مل کر کام کررہے ہیں۔یہ امر قابل ذکر ہے کہ جولائی 2018ء کو غزہ کی بحری ناکہ بندی توڑنے کےلئے دو بار عالمی قافلے غزہ کی پٹی سے باہر بھیجنے کی کوشش کی گئی مگر صہیونی بحریہ نے یہ کوشش ناکام بنا دی تھی۔دس جولائی کو غزہ سے باہر بھیجی گئی کشتی پر سوار درجنوں کارکنوں کواسرائیلی فوج نے حراست میں لے لیا تھا۔

پاکستان بمقابلہ افغانستان3 ٹی ٹونٹی سیریز:قومی کرکٹ ٹیم 22مارچ کو یو اے ای روانہ ہو گی۔