پولیس کا کسی بھی کیس میں کلیدی کردار ہوتا ہے۔ اگر پولیس کا نظام درست نہ ہو تو نظام انصاف پر اثر پڑتا ہے, چیف جسٹس پاکستان جسٹس ثاقب نثار
سپریم کورٹ میں چیف جسٹس پاکستان کی سربراہی میں پولیس نظام اصلاحاتی کمیٹی کا اجلاس ہوا۔ اجلاس میں تمام صوبوں کے موجودہ اور سابقہ آئی جیز، اٹارنی جنرلز، ایف آئی اے کے موجودہ اور سابقہ ڈائریکٹرز سمیت سپریم کورٹ کے سینئرز ججز نے شرکت کی۔ اجلاس سے خطاب کرتے ہوئے جسٹس ثاقب نثار کا کہنا تھا کہ پولیس کے نظام میں اصلاحات اے ڈی خواجہ کے کیس سے شروع ہوئیں۔ پولیس کا کسی بھی کیس میں کلیدی کردار ہوتا ہے۔ کرمنل جسٹس سسٹم پولیس پر انحصار کرتا ہے۔ اگر پولیس کا نظام درست نہ ہو تو نظام انصاف پر اثر پڑتا ہے۔چیف جسٹس پاکستان کا کہنا تھا کہ پولیس کے قواعد میں بھی تبدیلی کی ضرورت ہے۔ صوبائی خود مختاری کی وجہ سے بھی نظام پولیس میں جدت کی ضرورت ہے
