پاکستان: کورونا کیسز کی تعداد میں تیزی سے کمی, 727 نئے کیسز رپورٹ
پاکستان میں کورونا وائرس سے مزید 21 افراد جاں بحق ہو گئے جبکہ 727 نئے کیسز رپورٹ ہوئے۔
پاکستان میں کورونا سے اموات کی مجموعی تعداد 6 ہزار 35 ہو گئی ہے اور 2 لاکھ 81 ہزار 836 افراد متاثر ہیں جبکہ ملک بھر میں کورونا کے 2 لاکھ 56 ہزار 58 مریض صحت یاب ہوچکے ہیں۔
پاکستان میں کورونا کیسز کی تعداد تیزی سے کم ہو رہی ہے اور نیشنل کمانڈ اینڈ آپریشنل سینٹر کی جانب سے جاری اعداد و شمار کے مطابق اس وقت ملک بھر میں کورونا کے ایکٹیو کیسز کی تعداد 20 ہزار آٹھ سو 86 ہے۔
گزشتہ 24 گھنٹے کے دوران 15 ہزار ایک کورونا ٹیسٹ کیے گئے۔ ملک بھر میں مجموعی طور پر کورونا کے 20 لاکھ 43 ہزار 870 ٹیسٹ کیے جا چکے ہیں۔
پاکستان: کورونا کیسز کی تعداد میں تیزی سے کمی، 727 نئے کیسز رپورٹ
سندھ میں کورونا مریضوں کی تعداد ایک لاکھ 22 ہزار 273 اور خیبر پختونخوا میں کورونا مریضوں کی تعداد 34 ہزار 359 ہو گئی ہے۔ بلوچستان 11 ہزار 793، اسلام آباد 15 ہزار 141، آزاد جموں و کشمیر 2 ہزار 116، گلگت بلتستان دو ہزار 234 اور پنجاب میں 93 ہزار 847 کورونا مریض ہیں۔
پنجاب میں کورونا وائرس سے جاں بحق افراد کی تعداد 2 ہزار 162، سندھ میں 2 ہزار 245، خیبر پختونخوا میں ایک ہزار 215، اسلام آباد میں 167، بلوچستان میں 136، آزاد کشمیر میں 55 اور گلگت بلتستان میں 55 ہو چکی ہے۔
