فلسطینی وزارت صحت کے مطابق فلسطینی علاقوں میں کرونا کے نئے سامنے آنے والے مریضوں کی تعداد میں حالیہ ایام کی نسبت کمی دیکھی گئی  جبکہ صحت یاب ہونے والے مریضوں کی تعداد میں اضافہ ہوا ۔مرکزاطلاعات فلسطین کے مطابق فلسطینی خاتون وزیر صحت می کیلہ نے پریس کانفرنس میں کورونا کی صورت حال پر تفصیلی بریفنگ دی۔ انہوں نے بتایا کہ گذشتہ چوبیس گھنٹوں کے دوران فلسطینی علاقوں میں کورونا کے نئے 229 کیس سامنے آئے ہیں  جبکہ  738 فلسطینی کورونا سے صحت یاب ہوئے  ۔بیان میں مزید کہا گیا  کہ فلسطینی علاقوں میں کورونا کے صحت یاب ہونے والے مریضوں کا تناسب کل مریضوں کا 48 فی صد ہے۔ گذشتہ روز سامنے آنے والے 44 اعشاریہ 9 فی صد کیس القدس میں سامنے آئے۔القدس اور دیگر فلسطینی علاقوں میں کورونا کے 3294 مشتبہ افراد کے ٹیسٹ لیے گئے تھے جن میں سے 229 کیسز کی رپورٹ مثبت آئی ہے۔دوسری طرف صحت یاب ہونے والے مریضوں کی تعداد میں اضافہ ہوا ہے۔ نابلس میں 18، بیت لحم میں 19، الخلیل میں 243، القدس کے اطراف میں 150 اور القدس شہر میں 236 مریض صحت یاب ہوئے۔

شاہد خاقان عباسی کی نیب راولپنڈی میں پیشی