برطانوی بادشاہ چارلس کو ایک بار پھر انڈہ مارنے کی کوشش

برطانیہ کے بادشاہ چارلس کو ایک ماہ کے دوران دوسری بار انڈہ مارنے کی کوشش کی گئی۔رپورٹ کے مطابق برطانوی بادشاہ چارلس سوئم کو انڈہ مارنے کی کوشش کا واقعہ لوٹن کے علاقے میں پیش آیا۔برطانوی میڈیا کے مطابق لوٹن کے سینٹ جارج اسکوائر سے 20 سال سے زائد عمر کے ایک شخص کو انڈہ مارنے کے شبہے میں حراست میں لیا گیا۔رپورٹ کے مطابق برطانوی بادشاہ کو انڈہ نہیں لگا مگر سیکیورٹی اہلکار انہیں کچھ دیر کیلئے وہاں سے دور لے گئے، بعد میں چارلس سوئم واپس آئے اور لوگوں سے ہاتھ ملا کر چلے گئے۔واضح رہے کہ اس سے قبل 9 نومبر کو بھی برطانیہ کے شہر یورک میں اس طرح کا ایک واقعہ پیش آیا تھا، بادشاہ چارلس سوئم اور ملکہ کمیلا پارکر روایتی راستے سے شہر میں داخل ہورہے تھے جب ایک شخص نے ان پر انڈہ مارنے کی کوشش کی، مذکورہ شخص کو بھی حراست میں لے لیا گیا تھا۔