محکمہ موسمیات کے مطابق ملک کے بیشتر علاقوں میں سردی کی لہر جاری ہے، شمالی علاقہ جات میں برفباری نے ہر شے جما کر رکھ دی ہے، آج پارہ چنار میں سب سے زیادہ سردی پڑی، جہاں درجہ منفی دس ڈگری سینٹی گریڈ تک گر گیا، کالام میں درجہ حرارت منفی آٹھ، سکردو منفی چھے، گوپس اور استور منفی پانچ، دیر منفی تین اور قلات میں منفی دو ڈگری سینٹی گریڈ ریکارڈ کیا گیا، محکمہ موسمیات کا کہنا ہے کہ آئندہ چوبیس گھنٹوں کے دوران ملک کے بیشتر علاقوں میں موسم سرد اور خشک رہے گا، تاہم آج شام اور رات کوئٹہ، ژوب، مالاکنڈ، ہزارہ، مردان، پشاور، کوہاٹ، راولپنڈی، کراچی ڈویژن، اسلام آباد، فاٹا، گلگت بلتستان اور کشمیر میں چند مقامات پر بارش اور پہاڑوں پر برفباری کا امکان ہے، پنجاب کے میدانی علاقوں اور بالائی سندھ میں صبح کے وقت دھند پڑنے کی بھی توقع ہے، گزشتہ چوبیس گھنٹوں کے دوران بھی ملک کے اکثر علاقوں میں موسم سرد اور خشک رہا، جبکہ بعض علاقوں میں ہلکی بارش بھی ہوئی ۔

حریت کانفرنس کی اقوام متحدہ،او آئی سی سے تنازعہ کشمیر کو کشمیریوں کی امنگوں کے مطابق حل کرانے کیلئے اثرو رسوخ استعمال کرنے پر زور