محکمہ موسمیات نے پیش گوئی کی کہ پاکستان میں شوال کا چاند 15جون کونظرآنے کا قوی امکان ہے ، عیدالفطر16جون بروز ہفتے ہوگی۔ماہر فلکیات کے مطابق جمعرات 14جون کو مکہ مکرمہ میں چاند نظر آنے کے واضح امکانات ہیں جبکہ 14جون کو پاکستان میں شوال کا چاند نظر آنے کے امکانات انتہائی کم ہیں۔ واضح رہے اس بار پاکستان اور سعودی عرب میں رمضان کے چاند رویت ایک ہی دن ہوئی تھی اور دونوں میں رمضان المبارک ایک ہی دن شروع ہوئے۔پاکستان اور سعودی عرب میں رمضان کاچاند 16مئی کو دیکھاگیا تھا جبکہ پہلا روزہ 17مئی کو تھا۔