بچوں سے زیادتی کرنیوالے گروپ کے 9 ارکان گرفتار
بیلجیئم میں بچوں سے زیادتی کرنے والوں کیخلاف بننے والے گروپ کے 9 ارکان کو پولیس نے گرفتار کرلیا۔غیر ملکی خبر رساں ادارے کے مطابق بیلجئیم کی پولیس نے بچوں سے مبینہ طور پر زیادتی کرنے والے افراد کو ہلاک کرنے کیلئے بنائے گئے پیدو ہنٹر نامی گروپ کے 9 کارکنوں کو گرفتار کرلیا ۔رپورٹ کے مطابق گروپ کی نشاندہی ہونے کے بعد پولیس نے 10 مختلف مقامات پر چھاپے مار کر 9 افراد کو گرفتار کیا۔ گرفتار افراد کے قبضے سے بھاری تعداد میں اسلحہ بھی برآمد کیا گیا ہے۔ گرفتار افراد میں خاتون بھی شامل ہیں۔پولیس کے مطابق گروپ کا مقصد مبینہ طور پر کم عمر بچوں کے ساتھ زیادتی کرنے والے یا اس عمل کی خواہش رکھنے والے افراد کو ٹریپ کرکے انہیں سزا دینا تھا۔ جس میں موت کی سزا بھی شامل تھی۔پولیس نے ان افراد کے گھروں سے ان کے لیپ ٹاپ اور فون بھی قبضے میں لیے ہیں تاکہ وہ یہ جان سکیں کہ آیا اس گروپ میں ایسے افراد تو شامل نہیں جو خود کبھی ایسی زیادتی کا شکار بنے ہوں۔