پاکستان میں بھارتی سفارتکاروں کے تخریبی کارروائیوں میں ملوث ہونے کے معاملہ پر پنجاب اسمبلی میں مذمتی قرارداد جمع کرادی گئی
پاکستان میں تخریبی کارروائیوں میں بھارتی سفارتکاروں کے نیٹ ورک پکڑے جانے پر پنجاب اسمبلی میں مذمتی قرارداد تحریک انصاف کی رکن پنجاب اسمبلی سعدیہ سہیل رانا نے جمع کروائی،قرار داد میں پاکستان میں تخریبی کاروائیوں میں بھارتی سفارتکاروں کے نیٹ ورک پکڑے جانے کی پُر زور مذمت کی گئی ہے،قرارداد میں کہا گیا ہے کہ پاکستانی قوم میں بھارت کے اس رویے پر گہری تشویش پائی جاتی ہے۔ بھارت خطے میں امن کو کوششوں کو سبوتاژ کرنے کی کوشش کر رہا ہے حکومت پاکستان اس معاملے کو بین الاقوامی فورم پر موثر انداز میں اُٹھائے تاکہ بھارت کا اصل چہرہ اقوام عالم پر آشکار ہو سکے۔قرارداد میں حکومت پاکستان کو خارجہ امور میں ناکامی پر سخت تنقید کا نشانہ بناتے ہوئے کہا گیاہے کہ عالمی سطح پر پاکستان کی خارجہ پالیسی کہیں نظر نہیں آ رہی۔
