ڈوپنگ قوانین کی خلاف ورزی پراحمد شہزاد چار ماہ کے لئے کرکٹ سے آؤٹ ہو گئے
ڈوپنگ قوانین کی خلاف ورزی پاکستانی اوپنر احمد شہزاد کو مہنگی پڑ گئی،، احمد شہزاد چار ماہ کے لئے کرکٹ سے آؤٹ ہو گئے ، پی سی بی نے احمد شہزاد پرچار ماہ کی پابندی عائد کردی، پاکستانی اوپنر پرعائد پابندی گیارہ نومبر کو ختم ہو گی،احمد شہزاد کا پاکستان کپ کے دوران ڈوپ ٹیسٹ لیا گیا جو مثبت آیا تھا جس کے بعد پی سی بی نے 11 جولائی کو انہیں چارج کرکے معطل کر دیا تھا،احمد شہزاد 10نومبر تک پی سی بی کی جانب سے منظور شدہ کسی بھی طرز کی کرکٹ نہیں کھیل سکیں گے،دوسری جانب احمد شہزاد نے ڈوپنگ کیس میں سزا کو ایک سبق قرار دیتے ہوئے کہا ہے کہ وہ پی سی بی کا فیصلہ قبول کرتے ہیں
