دنیا کے بلندترین محاذ سیاچن گلیشئرپرواقع گیاری سیکٹرپر تعینات پاک فوج کے جوانوں پرایک بڑابرفانی تودہ آ گرا، پاک فوج کے شعبہ تعلقات عامہ کے مطابق تودہ گرنے کا واقعہ ہفتے کی صبح چھ بجے پیش آیا جس میں فوج کے ایک کرنل سمیت سو جوان دب گئے جنہیں بچانے کیلئے پاک فوج کا ریسکیو آپریشن جاری ہے۔ آئی ایس پی آر کا کہنا ہے کہ امدادی کارروائیوں میں ڈیڑھ سو فوجی اہلکار، ہیلی کاپٹرز اورکھوجی کتے حصہ لے رہے ہیں۔ تازہ ترین اطلاعات کے مطابق امددای کارروائیوں کے دوران کچھ اہکاروں کی لاشیں نکالی گئیں جبکہ وقت گزرنے کے ساتھ ساتھ باقی جوانوں کے زندہ بچنے کی امیدیں بھی دم توڑتی جارہی ہیں۔