آزادکشمیر میں لاک ڈاون کی صورتحال کا جائزہ لینے کے لیے وزیراعظم آزاد کشمیر راجہ محمد فاروق حیدر خان کی زیر صدار ت اعلی سطحی اجلاس ہوا جس میں وزرا،چیف سیکرٹری،تمام کمشنرز وڈپٹی کمشنرز نے ویڈیو لنک کے ذریعے شرکت کی۔اس موقع پر وزیراعظم آزادکشمیر راجہ محمد فاروق حیدر خان کا کہنا تھا کہ لاک ڈاون کے دوران ذخیرہ اندوزی کرنے والوں کے خلاف سخت کاروائی کی جائے،آزادکشمیر میں کسی سرکاری گاڑی کو بغیر ڈیوٹی سڑک پرنہ آنے دیا جائے۔ان کامزیدکہنا تھا کہ آزادکشمیر میں موجود تمام مریضوں کی حالت تسلی بخش ہے۔ وزیراعظم نے ہدایت کی کہ وزراء،آفیسران،انتظامی آفیسران کی جانب سے امدا دی سامان دیتے وقت فوٹو سیشن کی مکمل پابندی ہو گی جبکہ راجہ فاروق حید ر نے جعلی سینیٹائزرز اور ماسک بنانے والوں کے خلاف فوری کاروائی کا حکم دے دیا۔ انہوں نے مزید کہا کہ ڈاکٹرز اور پیرا میڈیکل سٹاف کے سامان کی خرید جلد از جلد یقینی بنائی جاے حکومت وسائل کی کمی نہیں آنے دیگی،آزادکشمیر کے تمام انٹری پوائنٹس پر انٹری مکمل طورپر بندکرنے کے فیصلے پر عملدرآمد میں مزید سختی کی جائے۔

مخالفین کو نواز شریف کی جیت نظر آرہی ہے۔ طلال چوہدری