خیبرپختونخوا کی اسمبلی نے آج پشاور میں خیبر پختونخوا پبلک سروس کمیشن ترمیمی بل دوہزار بیس متفقہ طور پر منظور کرلیا۔ سپیکر مشتاق احمد غنی کی زیرصدارت اجلاس میں وزیرقانون سلطان محمد خان نے بل پیش کیا۔ وزیرخزانہ تیمور سلیم جھگڑا نے ایوان کو بتایا کہ صوبائی حکومت نے مشترکہ مفادات کونسل کے اجلاس میں تیل اور گیس کی رائیلٹی میں اپنا حصہ حاصل کرنے کےلئے مضبوط موقف اپنایا ہے۔ ایوان میں اظہار خیال کرتے ہوئے صوبائی وزیر نے کہا کہ وزیراعظم عمران خان نے صوبے کو ونڈ فال لیوی کے حصے کی ادائیگی کی ہدایت کی ہے ، وزیراعظم نے دوہزار بارہ سے تمام صوبوں کے زیر التوا واجبات کی ادائیگی یقینی بنانے کےلئے بھی وزارت خزانہ کو ہدایت کی ہے۔

بلوچستان کی ترقی کیلئے مرکزاورصوبائی حکومتوں کے تعاون سے علاقے کی تقدیر بدل جائے گی,مقامی آبادی کے لئے خوشحالی آئے گی:عاصم سلیم باجوہ