حکومت اور پی ٹی آئی کے درمیان برف پگھلانے کی کوششیں جاری ہیں اور اسی سلسلے میں وزیر خزانہ اسحاق ڈار نے صدر مملکت عارف علوی سے چندروز کے دوران تیسری ملاقات کی ہے۔سینیٹر اسحاق ڈار اور صدر مملکت کے درمیان ہونے والی ملاقات میں صوبائی اسمبلیاں تحلیل کرنے، استعفے دینے اور سیاسی و اقتصادی معاملات پر گفتگو ہوئی۔اس کے علاوہ عام انتخابات اور درآمدی بل کم کرنے کے لیے پنجاب اور خیبر پختونخوا سے تعاون پر بھی بات چیت کی گئی۔