پنجاب پولیس کا سابق وزیراعلی کی رہائش گاہ پر ایک اور چھاپہ
گجرات: سابق وزیراعلیٰ پنجاب چوہدری پرویزالہٰی کی رہائش گاہ پر پولیس نے ایک اور چھاپہ مارا ہے۔ پولیس کی بھاری نفری چوہدری پرویزالہیٰ کی رہائش گاہ کے اندر داخل ہوئی، پولیس نے سابق وزیراعلیٰ پنجاب کی رہائش گاہ سے 2 ملازمین کو حراست میں لے لیا۔ دوسری جانب سابق وزیراعلیٰ پنجاب چوہدری پرویز الہٰی کے صاحبزادے مونس الہٰی نے پنجاب پولیس کی جانب سے چھاپے کی ویڈیو سوشل میڈیا پر شیئر کر دی۔ مونس الہٰی نے اپنے ٹویٹ میں کہا کہ پولیس، ایف آئی اے اور دیگر نے دوبارہ گجرات میں کنجاہ ہاؤس پر چھاپہ مارا ہے، بغیر وارنٹ کے چھاپے مارے جارہے ہیں۔ انہوں نے اپنے ٹوئٹ میں مزید کہا کہ چھاپوں سے آپ کو لگتا ہے کہ ہم عمران خان کو چھوڑدیں گے؟ آپ دوبارہ سوچ لیں ۔ اس سے قبل یکم فروری کو بھی پولیس نے گجرات میں چوہدری پرویز الہٰی کی رہائش گاہ پر چھاپہ مارا تھا۔
Police , Fia, and others again at Kunjah House . They keep raiding without warrant. By raiding our house you think you will make us leave @ImranKhanPTI . Think again!! pic.twitter.com/eumfhL0BaA
— Moonis Elahi (@MoonisElahi6) February 6, 2023
