صدر مملکت ڈاکٹر عارف علوی سے نگران وزیر اعلیٰ خیبر پخونخوا محمد اعظم خان نے پشاور میں ملاقات کی۔ خیبر پختونخوا کے دارالحکومت میں چیف منسٹر ہاؤس میں نگران وزیر اعلیٰ محمد اعظم خان سے ہونے والی ملاقات میں صوبے کی مجموعی صورتحال اور امن عامہ کے حوالے سے بات چیت ہوئی۔ بعد ازاں صدر مملکت ڈاکٹر عارف علوی نے نگران وزیر اعلیٰ محمد اعظم خان کے ساتھ لیڈی ریڈنگ ہسپتال جا کر پولیس لائنز دھماکہ میں زخمی ہونے والوں کی عیادت بھی کی۔