شمالی کشمیر کے ضلع کپواڑہ میں ایک بھارتی فوجی اہلکار نے اپنے کیمپ میں اپنی سروس رائفل سے خود کو گولی مارکر خودکشی کرلی۔ کپواڑہ کے چرکوٹ نامی قائم بھارتی فوج کی 28 راشٹریہ رائفلز (آر آر) کے کیمپ میں تعینات رائفل مین رنجیت سنگھ نے گذشتہ شام دوران ڈیوٹی اپنی سروس رائفل سے خود پر گولی چلائی۔ مذکورہ فوجی اہلکار کو درگمولہ میں واقع فوجی اسپتال منتقل کیا گیا جہاں وہ کچھ گھنٹوں تک موت وحیات کی کشمکش میں مبتلا رہنے کے بعد دم توڑ گیا۔پولیس نے معاملہ درج کرکے تحقیقات شروع کردی ہے۔ پویہ بات یہاں قابل ذکر ہے کہ فورسز کی جانب سے یوگا اور آرٹ آف لیونگ کی سرگرمیاں متعارف کرانے کے باوجود وادی میں تعینات فورسز اہلکاروں میں خودکشی کے رجحان میں کوئی کمی نہیں آرہی ہے۔ ایک رپورٹ کے مطابق بھارت بھر میں سال 2009 سے لیکر اب تک قریب 1100 فورسز اہلکاروں نے خودکشی کی ہے۔