ینگ ڈاکٹرز کی ہڑتال:لاہور ہائیکورٹ کا پنجاب حکومت اور سیکرٹری صحت سے جواب طلب
ینگ ڈاکٹرز ایسوسی ایشن کی ہڑتال پر لاہور ہائی کورٹ نے پنجاب حکومت اور سیکرٹری صحت سے جواب طلب کرلیا۔بدھ کو ڈاکٹروں کی غیر قانونی ہڑتال کے خلاف لاہور ہائی کورٹ کے جسٹس شاہد کریم نے درخواست پر سماعت کی۔درخواست گزار جوڈیشل ایکٹوازم پینل کی وکلا آمنہ اور سلمیٰ نے دلائل دیتے ہوئے موقف اپنایا کہ سرکاری ہسپتا لوں میں سستا علاج کرانا شہریوں کا آئینی حق ہے تاہم ڈاکٹرز نے ہسپتا لوں میں غیر قانونی طور پر ہڑتال کر رکھی ہے۔جوڈیشل ایکٹوازم پینل کی وکلا نے استدعا کی کہ عدالت ینگ ڈاکٹرز ایسوسی ایشن کی رجسٹریشن معطل کرنے کا حکم دے اور سرکاری اسپتالوں میں مریضوں کے علاج کے لئے احکامات جاری کرے۔لاہور ہائی کورٹ نے پنجاب حکومت، سیکرٹری صحت اور ینگ ڈاکٹرز ایسوسی ایشن کو نوٹسز جاری کرتے ہوئے جواب طلب کرلیا ۔
