سوت کی قلت کے باعث دھاگہ مہنگا، کپڑے کی قیمت میں بھی 25 سے 30 فیصد اضافہ
پاکستان میں سوت کی قلت کے باعث ایک طرف دھاگے کی قیمت میں آئے روز اضافہ ہورہا ہے تو دوسری طرف کپڑے کی قیمت میں بھی 25 سے 30 فیصد اضافہ ہوچکا ہے جس کی وجہ سے شہری اور دکاندار دونوں ہی پریشان ہیں۔ صنعتی شہر فیصل آباد جہاں پر کپڑے کی ہزاروں چھوٹی اور بڑی دکانیں ہیں جہاں سے نہ صرف لاکھوں شہری بلکہ دیگر شہروں کے ہزاروں تاجر بھی کپڑے کی خریداری کرتے ہیں۔ سوت کی قلت اور قیمت میں بے پناہ اضافے سے کپڑے کی پیداواری لاگت میں اضافہ ہوگیا ہے جس کی وجہ سے مارکیٹ میں کپڑے کی قیمت 25 سے 30 فیصد تک بڑھ چکی ہے، شہری اور دیگر شہروں سے خریداری کے لئے فیصل آباد آنے والے تاجر دونوں ہی پریشان ہیں۔
