عوام ووٹ مسائل ختم کرنے کیلئے دیتے ہیں،خورشید شاہ
پاکستان پیپلز پارٹی کے سینئر رہنماسید خورشید شاہ نے کہا ہے کہ عوام ووٹ اپنے مسائل کے حل کے لیے دیتے ہیں۔خورشید شاہ نے عدالت کے باہر میڈیا سے گفتگو کرتے ہوئے کہا کہ جو مہنگائی پر بات نہیں کریں گے، سمجھیں وہ ملک کے ساتھ نہیں، کرپشن کے الزامات سب ڈرامہ ہے،۔انہوں نے کہا کہ جہانگیر ترین کی واپسی اچھی بات ہے، الزامات عوام کے سامنے ہیں ۔انہوں نے کہا کہ جو بچپن میں مہنگائی کی کہانیاں سنتے تھے وہ اب سامنے آ رہی ہیں، وزیرِ اعظم عمران خان حقیقت کو محسوس کریں کہ عوام ووٹ کیوں دیتے ہیں۔رہنما پی پی پی کا امریکی انتخابات پر تبصرہ کرتے ہوئے مزید کہنا ہے کہ جوبائیڈن کی کامیابی سے خطے میں تبدیلی آ سکتی ہے۔انہوں نے یہ بھی کہا کہ ٹرمپ کی وجہ سے امریکا میں تبدیلی آ گئی، لوگ کلہاڑیاں اور بندوقیں لے کر باہر آ گئے ہیں۔
