لاہور چیمبر آف کامرس اور پنجاب ایمرجنسی سروسز کے اشتراک سے ''فائر سیفٹی'' سے متعلق لاہور چیمبر میں آگاہی سیشن کا اہتمام کیا گیا۔
پنجاب ایمرجنسی سروسز نے پنجاب میں پہلی ماڈرن فائر سروس کا آغاز کیا ہے۔جس نے آگ بجھانے کے000 151 واقعات پر بروقت ریسپانس، جدید خطوط پر جواب اور پیشہ ورانہ فائر فائٹنگ کرتے ہوئے 450 بلین سے زائد مالیت کے نقصانات ہونے سے بچا ئے ہیں۔ ان خیالات کا اظہار ڈائریکٹر جنرل پنجاب ایمرجنسی سروسز ڈاکٹر رضوان نصیر نے لاہور چیمبر آف کامرس اینڈ انڈسٹری میں فائر سیفٹی سے متعلق آگاہی سیشن میں خطاب کرتے ہوئے کیا۔ صدر لاہور چیمبر میاں طارق مصباح، نائب صدر طاہر منظور چوہدری اور لاہور چیمبر کے ایگزیکٹیو کمیٹی ممبران بھی اس موقع پر موجود تھے۔ ڈاکٹر رضوان نصیر نے کہا کہ یہاں تک کہ اگر ہم دنیا میں سب سے بہتر فائر سروس قائم کرتے ہیں تو یہ کارگر ثابت نہیں ہوسکتی ہے کیونکہ ہر بار اس ٹریفک کی بھیڑ میں شہر میں پانی کے مختلف مقامات سے فائر فلنگ کیلئے جانا پڑتا ہے جس سے ریسپانس ٹائم زیادہ ہو جاتا ہے۔ ڈی جی ریسکیو پنجاب نے آگ لگنے کے کسی واقعہ کی صورت میں ریسکیو 1122 کے ذریعہ تجارتی عمارتوں کے عملے کی بلا معاوضہ تربیت کرانے پر بھی زار دیا۔انہوں نے یہ بھی کہا کہ صنعتوں اور تجارتی عمارتوں کے مالکان کو آگ سے حفاظت کی اہمیت کا ادراک کرنا چاہئے جو آگ کی وجہ سے عمارت کو نمایاں نقصان سے بچاسکتا ہے اور پاکستان کے فائر سیفٹی کوڈز کے نفاذ کے لئے اجتماعی کوششوں سے ملک میں ہنگامی صورتحال کی بڑھتی ہوئی تعداد کو کم کیا جاسکتا ہے۔ ڈاکٹر رضوان نے بتایا کہ ریسکیو 1122 نے اپنے آغاز سے اب تک923 773 ہنگامی صورتحال پر ریسپانس کیا ہے اور وہ روزانہ084 3 ہنگامی کالوں کا جواب دے رہے ہیں، انہوں نے امید ظاہر کی کہ پی ای ایس آگاہی دے کر واقعات کے تناسب کو صفر تک کم کرنے کی کوشش کر رہی ہے۔ صدر لاہور چیمبر میاں طارق مصباح نے کہا کہ فائر سیفٹی اور رسک مینجمنٹ سسٹم کی بنیادی باتوں کے بارے میں جاننا بہت ضروری ہے کیوں کہ کسی بھی صنعتی عمل یا سرگرمی میں حادثے کے امکانات ہمیشہ موجود رہتے ہیں۔ انہوں نے کہا، خاص طور پر ایس ایم ایز کے لئے، جو زیادہ تر محدود وسائل کے ساتھ کام کرتے ہیں، عملے کے تمام اراکین کے لئے یہ ضروری ہے کہ وہ کام کے مقام پر آگ سے ہونے والے نقصان کے خطرے کو کم سے کم کرنے کے لئے معلومات حاصل کریں۔انہوں نے مزید کہا کہ ہم اپنے اپنے کاروباروں کو تصادم سے لے کر دھماکے تک کے پورے اسپیکٹرم پر درجہ بندی کرسکتے ہیں تاکہ اس کے مطابق مطلوبہ تربیت اور علاج معالجے کا انتظام کیا جاسکے۔ صدر لاہور چیمبر ایل سی سی آئی نے ڈاکٹر رضوان نصیر کی کاوشوں کو سراہا اور کہا کہ ڈاکٹر رضوان نے ریسکیو 1122 کے معیار کو بہتر بنانے میں اپنا کلیدی کردار ادا کیا ہے اور آگ سے لڑنے اور کم سے کم کرنے کے بہترین طریقوں اور تکنیک کے بارے میں آپ کے وژن اور تفہیم سے یہ ادارہ ایک بہترین ادارہ بن چُکا ہے۔ نائب صدر لاہور چیمبر طاہر منظور چوہدری نے کہا کہ بلڈنگ لائسنس دئتے وقت ریسکیو سروسز سے بھی این او سی لینا ضروری ہونی چاہئے تاکہ آگ سے بچنے کا سامان لگوانا ضروری ہو جائے.
