افغانستان میں رواں برس مسلح واقعات میں 2 لاکھ شہری بے گھر

Sep 07, 2018 | 12:53

اقوام متحدہ نے اپنی رپورٹ میں انکشاف کیا ہے کہ رواں برس افغانستان میں مسلح تنازعات کے سبب 2 لاکھ سے زیادہ شہری بے گھر ہوئے ۔بین الاقوامی میڈیا کے مطابق اقوام متحدہ کے کوارڈینیشن دفتر برائے انسانی معاملات کی رپورٹ میں کہا گیا کہ رواں برس یکم جنوری سے 2 ستمبر تک 2 لاکھ 6 ہزار افغان شہری اپنے گھر بار چھوڑنے پر مجبور ہوئے۔یہ تعداد ایک ماہ قبل سامنے آنے والے اعداد وشمار کے مقابلے میں 44 ہزار زائد ہے۔ ان میں 30 ہزار وہ افغان شہری بھی شامل ہیں جو صوبہ غزنی میں اگست کے وسط میں ہونے والی لڑائی کی وجہ سے عارضی طور پر بے گھر ہوئے تھے۔

 

مزیدخبریں