منشیات برآمدگی کیس : رانا ثنا اللہ کے جوڈیشل ریمانڈ میں 14 ستمبرتک توسیع
منشیات برآمدگی کیس میں گرفتار سابق وزیر قانون پنجاب رانا ثناءاللہ کے جوڈیشل ریمانڈ میں 14 ستمبرتک توسیع کر دی گئی۔رانا ثناللہ نے کہا کہ ظلم کی رات بہت جلد ختم ہونے والی ہے۔ تفصیلات کے مطابق مسلم لیگ (ن)کے رہنما رانا ثنا اللہ کو آج جوڈیشل کمپلیکس میں عدالت کے روبرو پیش کیاگیا ۔ تاہم انسداد منشیات عدالت میں جج کی عدم موجودگی کے باعث رانا ثنا اللہ کے کیس پرسماعت بغیر کارروائی ملتوی کر دی گئی۔عدالت کے ریڈر نے رانا ثناءاللہ کے کیس پر14 ستمبرکی تاریخ دے دی جب کہ رانا ثنااللہ کے جوڈیشل ریمانڈ میں 14 ستمبرتک توسیع کر دی گئی۔ اس موقع پر سیکیورٹی کے انتہائی سخت انتظامات کیے گئے تھے۔ پولیس نے جوڈیشل کمپلیکس کے اطراف غیر متعلقہ افراد کا داخلہ بند کر دیاتھا جب کہ پولیس کی بھاری نفری احاطہ عدالت کے اندار اور باہر تعینات کر دی گئی تھی۔واضح رہے کہ اے این ایف نے گاڑی سے منشیات برآمد ہونے پر رانا ثنا اللہ کو یکم جولائی کو گرفتار کیا تھا۔ جوڈیشل کمپلیکس کے باہرمیڈیا سے گفتگو کرتے ہوئے رانا ثنا اللہ نے کہا کہ ظلم کی رات بہت جلد ختم ہونے والی ہے، مجھ پر لگایا گیا الزام جعلی اور یہ فراڈ کیس ہے، سیاسی مخالفین کو جیلوں میں بند کرنا اور جیلوں میں ایذا پہنچانا، اس کے علاوہ حکومت کو کوئی کام نہیں ہے۔رانا ثنا اللہ نے کہا انہوں نے سیاسی انتقام کے علاوہ کوئی کام نہیں کیا، کفر کی حکومت چل سکتی ہے لیکن ظلم کی حکومت نہیں چل سکتی، ظلم کی حکومت زیادہ دیر نہیں رہ سکتی، حکمران ظالم ٹولہ ہے۔ منشیات برآمدگی کیس : رانا ثنا اللہ کے جوڈیشل ریمانڈ میں 14 ستمبرتک توسیع لاہور: منشیات برآمدگی کیس میں گرفتار سابق وزیر قانون پنجاب رانا ثناءاللہ کے جوڈیشل ریمانڈ میں 14 ستمبرتک توسیع کر دی گئی۔ رانا ثناللہ نے کہا کہ ظلم کی رات بہت جلد ختم ہونے والی ہے۔ تفصیلات کے مطابق مسلم لیگ (ن)کے رہنما رانا ثنا اللہ کو آج جوڈیشل کمپلیکس میں عدالت کے روبرو پیش کیاگیا ۔ تاہم انسداد منشیات عدالت میں جج کی عدم موجودگی کے باعث رانا ثنا اللہ کے کیس پرسماعت بغیر کارروائی ملتوی کر دی گئی۔عدالت کے ریڈر نے رانا ثناءاللہ کے کیس پر14 ستمبرکی تاریخ دے دی جب کہ رانا ثنااللہ کے جوڈیشل ریمانڈ میں 14 ستمبرتک توسیع کر دی گئی۔ اس موقع پر سیکیورٹی کے انتہائی سخت انتظامات کیے گئے تھے۔ پولیس نے جوڈیشل کمپلیکس کے اطراف غیر متعلقہ افراد کا داخلہ بند کر دیاتھا جب کہ پولیس کی بھاری نفری احاطہ عدالت کے اندار اور باہر تعینات کر دی گئی تھی۔واضح رہے کہ اے این ایف نے گاڑی سے منشیات برآمد ہونے پر رانا ثنا اللہ کو یکم جولائی کو گرفتار کیا تھا۔ جوڈیشل کمپلیکس کے باہرمیڈیا سے گفتگو کرتے ہوئے رانا ثنا اللہ نے کہا کہ ظلم کی رات بہت جلد ختم ہونے والی ہے، مجھ پر لگایا گیا الزام جعلی اور یہ فراڈ کیس ہے، سیاسی مخالفین کو جیلوں میں بند کرنا اور جیلوں میں ایذا پہنچانا، اس کے علاوہ حکومت کو کوئی کام نہیں ہے۔رانا ثنا اللہ نے کہا انہوں نے سیاسی انتقام کے علاوہ کوئی کام نہیں کیا، کفر کی حکومت چل سکتی ہے لیکن ظلم کی حکومت نہیں چل سکتی، ظلم کی حکومت زیادہ دیر نہیں رہ سکتی، حکمران ظالم ٹولہ ہے۔