چہلم امام حسین:ملک بھر میں سکیورٹی ہائی الرٹ
ملک بھر میں نواسہ رسول حضرت امام حسین کے چہلم کے موقع پر سکیورٹی ہائی الرٹ رہی ۔ لاہور، کراچی ، پشاور، کوئٹہ سمیت چھوٹے بڑے شہروں میں روایتی جلوس اور تعزیے برآمدہوئے اور اس دوران قانون نافذ کرنے والے اداروں کی جانب سے سکیورٹی ہائی الرٹ رہی، جلوسوں کی گزرگاہوں کو کنٹینرز لگا کر سیل کر دیا گیا ، جلوسوں کی سکیورٹی پر پولیس اہلکار تعینات کئے گئے اور ان کے ساتھ رینجرز کے اہلکار بھی تعینات تھے ، اس کے علاوہ سی سی ٹی وی کی مدد سے جلوسوں کی سخت نگرانی کی گئی ۔دوسری جانب چہلم حضرت امام حسین کے موقع پر مختلف شہروں میں دفعہ 144نافذ کر دی گئی ، جلوسوں کے دوران ہیلی کیم اڑانے پر پابندی رہی ۔
