وزیراعلیٰ عثمان بزدار سے رمیش کمار کی ملاقات،اقلیتوں کیلئے مختص آسامیوں پر عدالتی احکامات سے آگاہ کیا,وزیراعلیٰ عثمان بزدارکی اقلیتوں کے امور کے بارے میں سپریم کورٹ کے احکامات پر فوری عملدرآمد کی یقین دہانی,  مختص خالی آسامیوں کی تفصیلات طلب،محکمہ قانون اورمحکمہ انسانی حقوق ایک ہفتے میں وزیراعلیٰ کورپورٹ پیش کریں گے.لاہور8اپریل:- وزیر اعلی پنجاب سردارعثمان بزدارسے آج وزیراعلیٰ آفس میں رکن قومی اسمبلی ڈاکٹر رمیش کمارنے ملاقات کی-ملاقات میں سپریم کورٹ پاکستان ون مین کمیشن کی ہدایت پر عدالتی احکامات سے آگاہ کیاگیا- وزیراعلیٰ عثمان بزدارنے اقلیتوں کے امورکے بارے میں سپریم کورٹ کے احکامات پرفوری عملدرآمد کی یقین دہانی کرائی اور اقلیتوں کے لئے مختص خالی آسامیوں کی تفصیلات طلب کرلیں - محکمہ قانون اور محکمہ انسانی حقوق ایک ہفتے کے اندر وزیراعلیٰ پنجاب کو رپورٹ پیش کریں گے -وزیراعلیٰ نے اقلیتی کوٹے پرخالی آسامیوں پر بھرتیوں کے لئے فوری کارروائی کاحکم دیا اور ہدایت کی کہ خالی آسامیوں کو پرُ کرنے کے لئے کارروائی جلد مکمل کر کے مشتہرکیا جائے-وزیراعلیٰ عثمان بزدار نے کہاکہ وزیراعظم عمران خان کے ویژن کے مطابق اقلیتوں کو ترقی کے مساوی مواقع فراہم کر رہے ہیں - اقلیتی نوجوانوں کو تعلیمی اداروں میں بھی بھرپور مواقع میسرہیں -انہوں نے کہاکہ پنجاب میں اقلیتی برادریوں کے لئے فنڈز مختص کئے گئے ہیں -پاکستان تحریک انصا ف کی حکومت مذہبی رواداری اور مساوی حقوق پر یقین رکھتی ہے-

امریکی صدر جوبائیڈن کا جارج فلائیڈ قتل کیس کے فیصلے پر بیان