اسلام آباد: میری بات سنیں! ہم کہیں نہیں جا رہے ہیں، آپ دیکھتے جائیں، شہباز شریف اچکن نہیں پہن سکے گا۔ یہ بات وزیراعظم عمران خان نے اپنی زیر صدارت منعقدہ پی ٹی آئی کی پارلیمانی پارٹی کے اجلاس سے خطاب کرتے ہوئے کہی۔ دار ذرائع نے بتایا ہے کہ منعقدہ اجلاس میں وزیراعظم نے موجودہ صورتحال پر پارلیمانی پارٹی کو اعتماد میں لیا جب کہ پارلیمانی پارٹی نے وزیراعظم عمران خان کے فیصلوں پر اعتماد کا اظہار بھی کیا۔

ذرائع کے مطابق منعقدہ اجلاس میں پی ٹی آئی کے اراکین نے کہا کہ وزیراعظم! آپ جو حکم کریں گے ہم آپ کے ساتھ ہیں، پی ٹی آئی کے ارکان پارلیمنٹ نے وزیراعظم سے موجودہ صورتحال میں آپشنز پر سوالات بھی کیے۔ ارکان نے سخت اپوزیشن کرنے کی بھی تجویز دی۔

سرکار طاقت کی بجائے عقل استعمال کرنے کی کوشش کرے افاقہ ہوگا۔ اسد عمر

 ذرائع نے بتایا کہ منعقدہ اجلاس میں وزیراعظم عمران خان نے واضح طور پر کہا کہ میری بات سنیں! ہم کہیں نہیں جا رہے ہیں، آپ دیکھتے جائیں، شہباز شریف اچکن نہیں پہن سکے گا،ذرائع کے مطابق وزیراعظم نے اراکین پارلیمنٹ سے گفتگو کرتے ہوئے واضح طور پر کہا کہ کسی بھی صورت حکومت گرانے کی سازش کو کامیاب نہیں ہونے دوں گا۔