پاکستان نے بھارتی جاسوس کلبھوشن یادیو کو والدہ اور اہلیہ سے ملنے کی اجازت دے دی
بھارت چاہے سفارتکاری کے اصول بھول جائے، لیکن پاکستان نے ہمیشہ بڑے پن کا ثبوت دیا، دہشتگرد کارروائیوں کے باوجود انسانی ہمدردی کو مدنظر رکھتے ہوئے پاکستان نے بھارتی جاسوس کو والدہ اور اہلیہ سے ملنے کی اجازت دے دی، ترجمان دفتر خارجہ ڈاکٹر محمد فیصل کے مطابق کلبھوشن یادیو سے اس کی والدہ اور اہلیہ کی ملاقات پچیس دسمبر کو ہو گی جس میں بھارتی ہائی کمشن کا ایک افسر بھی موجود ہو گا فیصلے سے بھارت کو آگاہ کردیا گیا
ترجمان دفتر خارجہ کا کہنا تھا کہ عالمی برادری مقبوضہ کشمیر میں بھارتی مظالم کو بند کرائے، بھارت لڑ کر کشمیر حاصل نہیں کرسکتا، رواں برس بھارت نے جنگ بندی معاہدے کی 1300 سے زائد مرتبہ خلااف ورزیاں کیں جن میں 52 شہری شہید اور 175 سے زائد زخمی ہوئے۔
ترجمان کا کہنا تھا کہ افغانستان میں پاکستانیوں کے اغواء کے خدشات کی وجہ سے اپنے شہریوں کو نقل و حرکت محتاط رکھنے کا ہدایت کی ہے، بیت المقدس پر امریکی صدر کے فیصلے پر شدید تشویش ہے، سی پیک میں تیسرے ملک کی شمولیت ک فیصلہ پاکستان اور چین ملکر کریں گے
