لاہور میں سالڈ ویسٹ سے انرجی پیدا کرنے کا فیصلہ،وزیراعلیٰ پنجاب چودھری پرویز الٰہی نے منظوری دے دی. نارویجن کمپنی (ENATE) کااظہار دلچسپی، روزانہ ساڑھے 1200ٹن سالڈ ویسٹ سے 55میگا واٹ بجلی پیدا کرنے کی پیشکش کی۔  وزیراعلیٰ چودھری پرویزالٰہی کی زیر صد ارت اعلی سطح کا اجلاس ہوا جس میں وزیراعلیٰ پنجاب چودھری پرویز الٰہی نے کہا کہ نارویجن کمپنی(ENATE) ابتدائی طورپر 250ملین ڈالر سرمایہ کاری کرے گی۔  سالڈ ویسٹ سے حاصل کردہ انرجی سندر انڈسٹریل سٹیٹ میں صنعتوں کو دی جائے گی۔لاہور میں ویسٹ ٹو انرجی پراجیکٹ میں قواعد کے مطابق پوری معاونت کریں گے۔  پنجاب میں غیر ملکی سرمایہ کاری کا خیر مقدم کرتے ہیں، رکاوٹ حائل نہیں ہونے دیں گے۔ ناروے،جرمنی او ردیگر ممالک سے آنے والے سرمایہ کاروں کی معاونت کے لئے تیار ہیں۔ نارویجن کمپنی (ENATE) کے نمائندے کارل فریڈرک سیم (Mr. Carl Fredrik Seim) نے ویسٹ ٹو انرجی پراجیکٹ پر تفصیلی بریفنگ دی۔

سمجھ نہیں آتی مہنگائی کا ملبہ شہباز شریف پر کیوں ڈالا جا رہا ہے

لاہور میں 40ملین ٹن سالڈ ویسٹ موجود ہے جبکہ روزانہ 5ہزار ٹن کوڑا کرکٹ جمع ہو رہاہے۔ ایم پی اے ساجد علی بھٹی،نارویجن کمپنی (ENATE) کے نمائندے ٹورجورن لاڈل ہائی جن(Mr. Torbjoern Laudal Haugen)،سابق پرنسپل سیکرٹری وزیراعلیٰ جی ایم سکندر،کمشنر لاہورڈویژن،سیکرٹری خزانہ،سیکرٹری پلاننگ اینڈ ڈویلپمنٹ، چیئرمین ایل ڈبلیو ایم سی،محکمہ توانائی کے اعلی حکام او رمتعلقہ افسران کی اجلاس میں شرکت کی۔