وزیرِ بلدیات سندھ سید ناصر حسین شاہ نے کہا ہے کہ عمران خان کی جانب سے اسمبلیوں کو تحلیل کرنے کی دھمکی وفاق کو نہیں پرویز الٰہی اور محمود خان کو دی گئی۔جاری بیان میں وزیرِ بلدیات نے کہا کہ عمران نیازی اسمبلی کی عمارتیں توڑنے کی بات کر رہے ہیں، اس لیے وقت لگ رہا ہے۔ وزیرِ بلدیات سندھ سید ناصر حسین شاہ نے کہا ہے کہ عمران خان اسمبلی توڑنا چاہتے تو وہ تو ایک سمری پر دستخط کا کام ہے، سیاسی یتیمی عمران خان سے غلطیاں اور غیر سیاسی فیصلے کروا رہی ہے۔