'پاک فوج کا سیاست کیساتھ کوئی تعلق نہیں، بغیر تحقیق کے الزام لگانا ٹھیک نہیں'
ڈی جی آئی ایس پی آر میجر جنرل بابر افتخار نے کہا کہ پی ڈی ایم سے متعلق کچھ چہ مگوئیاں کی جا رہی ہیں، پی ڈی ایم کے حوالے سے قیاس آرائیاں بے بنیاد ہیں، ایسی باتیں کرنے والے ثبوت سامنے لائیں، کسی قسم کے بیک ڈور رابطے استعمال نہیں کئے جا رہے ہیں، فوج کو سیاست میں نہ گھسیٹا جائے، فوج سے متعلق قیاس آرائیوں پر یقین نہیں کرنا چاہیئے، سیکیورٹی بڑا فریضہ ہے جو سر انجام دے رہے ہیں۔ ترجمان افواج پاکستان کا کہنا تھا کہ پاکستان نے دنیا کے سامنے ایک ڈوزیئر رکھا، بھارت دنیا بھر میں بے نقاب ہوچکا، ڈس انفولیب سے متعلق متعدد انکشافات سامنے آئے، بھارت نے پاکستان کی ساکھ کو نقصان پہنچانے کی کوشش کی، بھارت کا خطے میں منفی کردار ہے۔
