پاکستان اس مشکل صورتحال میں ترکیہ اور اس کی عوام کے ساتھ کھڑا ہے۔شیری رحمان
وفاقی وزیر برائے ماحولیاتی تبدیلی سینیٹر شیری رحمان نے کہا ہے کہ ترکیہ اور شام میں زلزلے کے باعث ہلاکتوں کی تعداد تشویشناک حد تک بڑھ رہی ہے۔ ہلاکتوں کی تعداد 8 ہزار تک پہنچ گئی ہے جبکہ ملبے میں دبے افراد کی تلاش ابھی جاری ہے۔ ہمیں ترکیہ اور شام کے بھائی بہنوں کیلئے دلی ہمدردی ہے۔پاکستان کے ہر شہری کا دل ترکیہ اور شام کیلئے افسردہ ہے۔ان خیالات کا اظہار شیری رحمان نے بدھ کے روز ٹوئٹر پر جاری اپنے بیان میں کیا۔شیری رحمان کا کہنا تھا کہ ترکیہ نے حالیہ سیلاب کے دوران پاکستان حکومت اور سیلاب زدگان کی ہر لحاظ سے بھرپور مدد کی۔ پاکستان بھی اس مشکل صورتحال میں ترکیہ اور اس کی عوام کے ساتھ کھڑا ہے۔ سی 130 اور پی آئی اے کی امدادی پروازیں سامان اور امدادی ٹیمیں لے کر ترکیہ کے لیے روانہ ہو چکی ہیں۔ان کا کہنا تھا کہ ہمیں ترکیہ اور شام کے زلزلہ متاثر علاقوں میں اپنے بھائیوں اور بہنوں کے لیے ہنگامی امداد کا ایک مستقل ریلیف کا سلسلہ جاری رکھنا ہوگا۔ زلزلہ متاثر لوگوں کی مکمل بحالی تک امداد کا سلسلہ نہیں رکنا چاہئے۔ آئیے ترکیہ اور شام کے بھائی بہنوں کی امداد کو ایک قومی کاوش بنائیں۔
ترکیہ اور شام میں زلزلے کے باعث ہلاکتوں کی تعداد تشویشناک حد تک بڑھ رہی ہے۔ ہلاکتوں کی تعداد 8 ہزار تک پہنچ گئی ہے جبکہ ملبے میں دبے افراد کی تلاش ابھی جاری ہے۔ ہمیں ترکیہ اور شام کے بھائی بہنوں کیلئے دلی ہمدردی ہے۔ پاکستان کے ہر شہری کا دل ترکیہ اور شام کیلئے افسردہ ہے۔ 1/3 pic.twitter.com/xbpW9CyCw0
— SenatorSherryRehman (@sherryrehman) February 8, 2023
