اپوزیشن ذاتی مفادات کا ایجنڈا لے کر چل رہی ہے ،عثمان بزدار
وزیراعلیٰ پنجاب عثمان بزدار نے کہا ہے کہ اپوزیشن ذاتی مفادات کا ایجنڈا لے کر چل رہی ہے۔ انہوں نے اپنے بیان میں کہا ہے کہ عمران خان کی قیادت میں پہلی بار صاف اور شفاف پاکستان کی بنیاد رکھی گئی ، تحریک انصاف کی حکومت پاکستان کی سب سے شفاف حکومت ہے، ڈھائی برس میں حکومت کا ایک بھی سکینڈل سامنے نہیں آیا، الزامات کی سیاست کرنے والوں کا کوئی مستقبل نہیں۔عثمان بزدار کا کہنا تھا کہ بدقسمتی سے اپوزیشن جماعتیں قوم کوتقسیم کرنے کی کوششوں میں مصروف ہیں، عوام اپوزیشن عناصر کے دوغلے چہروں کو پہچان چکے ہیں، پی ڈی ایم والے پاکستان میں انتشار پھیلا کر دشمن کے ایجنڈے کو پورا کرنا چاہتے ہیں، پراپیگنڈہ کرنے والے جان لیں کہ عوام کی خدمت کھوکھلے دعوئوں سے نہیں ہوتی۔
