ملک بھرمیں شدید گرمی کی لہر جاری ہے،آئندہ چوبیس گھنٹے کے دوران ملک کے وسطی اورجنوبی علاقے شدید گرمی کی لپیٹ میں رہیں گے،

Jun 08, 2018 | 09:40

ملک بھر میں شدید گرمی کا راج برقرار ہے، پنجاب سمیت اندرون سندھ کے بیشتر علاقے غضبناک گرمی کی لپیٹ میں ہیں، دادو، جیک آباداور سکھر میں پارہ اڑتالیس،رحیم یارخان،روہڑی، نوکنڈی، دالبدین،شہیدبینظیرآباد ، لاڑکانہ ،موہنجوداڑو میں سینتالیس اور حیدر آباد میں بیالیس ڈگری سینٹی گریڈ ریکارڈ کیا گیا۔ محکمہ موسمیات کے مطابق آئندہ چوبیس گھنٹے کے دوران ملک کے بیشتر علاقوں میں موسم شدید گرم اور خشک رہے گا،،اندرون سندھ، وسطی و جنوبی پنجاب اور مشرقی بلوچستان میں پارہ پچاس کوچھو سکتا ہے،تاہم راولپنڈی،گوجرانوالہ،اسلام آباد،کشمیراوراس سے ملحقہ پہاڑی علاقوں میں بارش کاامکان ہے،جبکہ گزشتہ روزملک کے بیشتر علاقوں میں موسم شدید گرم اور خشک رہا۔

مزیدخبریں