بھارتی فضائیہ کا ایک اور طیارہ راجھستان میں گر کر تباہ ہوگیا
بھارتی فضائیہ کا ایک اور طیارہ راجھستان میں گر کر تباہ ہوگیا، طیارے کے گرنے کی وجہ تاحال معلوم نہیں ہوسکی۔ تفصیلات کے مطابق آج گرنے والا یہ طیارہ مگ 21 ہے ، حادثے میں طیارے کا پائلٹ با حفاظت باہر نکلنے میں کامیاب ہوگیا ہے۔ ذرائع کا کہنا ہے کہ یہ طیارہ بھارت کے علاقے راجھستان کے نل نامی ایئر بیس سے اڑا تھا۔ طیارہ راجھستان ہی کے علاقے بکنیر شوبا سر کی دھانی میں جا گرا ہے۔ بھارتی وزارت دفاع کا کہنا ہے کہ طیارے کا پائلٹ محفوظ ہے، ابتدائی تفصیلات کے نتیجے میں معلوم ہوا کہ جہاز پرندہ ٹکرانے کے سبب کریش ہوا ہے تاہم واقعے کی تحقیقات جاری ہیں۔