پاکستان میں کورونا مزید 39 افراد کی جان لے گیا، ایک ہزار 780 نئے کیسز رپورٹ
کورونا ایک دن میں 39 افراد کی جانیں نگل گیا۔ ایک ہزار 780 نئے مریضوں میں کورونا کی تشخیص ہوئی۔ گزشتہ 24 گھنٹوں میں کورونا سے صحت یاب ہونے والوں کی شرح 94.7 فیصد رہی۔ ملک بھرمیں ایکٹو کیسز 18 ہزار 55 رہ گئے۔نیشنل کمانڈ اینڈ آپریشن سنٹر کے مطابق گذشتہ روز کورونا کے 1 ہزار 780 نئے کیسز سامنے رپورٹ جبکہ 39 افراد جاں بحق ہوگئے۔ اب تک اموات کی کل تعداد 13 ہزار 205 ہوگئی ہے۔ملک بھر میں وائرس سے متاثرہ مریضوں کی تعداد 5 لاکھ 90 ہزار 508 تک پہنچ گئی۔ سندھ میں 2 لاکھ 59 ہزار 666، پنجاب میں 1 لاکھ 77 ہزار 8 ، کے پی کے میں 73 ہزار 708، بلوچستان میں 19 ہزار 114، اسلام آباد میں 45 ہزار 519، آزاد جموں و کشمیر میں 10 ہزار 534 اور گلگت بلتستان میں 4 ہزار 959 مریض ہیں۔این سی او سی حکام کا کہنا ہے کہ کورونا کو شکست دینے والوں کی شرح روز بروزبڑھنے لگی۔ گزشتہ 24 گھنٹوں میں کورونا سے صحت یاب ہونے والوں کی شرح 94.7 فیصد رہی۔ اب تک 5 لاکھ 59 ہزار 248 مریض صحتیاب ہوچکے ہیں۔
