کورونا وائرس نے پاکستان کی معیشت پر بہت گہرے منفی اثرات مرتب کئے۔ پاکستانیوں سے سروے
گیلپ اینڈ گیلانی کے ایک حالیہ سروے کے مطابق55 فیصد پاکستانیوں کے مطابق کورونا وائرس نے پاکستان کی معیشت پر بہت گہرے منفی اثرات مرتب کئے ہیں۔ سروے میں ملک بھر سے شماریاتی طور پر منتخب خواتین و حضرات سے یہ سوال پوچھا گیا تھا کہ ''برائے مہربانی بتائیں کہ آپ کے خیال میں کورونا وائرس سے پاکستان کی معیشت پر کس حد منفی اثرات پڑے ہیں۔ یعنی بہت زیادہ کچھ حد تک بہت کم یا بالکل نہیں؟ اس سوال کے جواب میں پچپن فیصد جوابدہندگان کے مطابق کورونا وائرس سے پاکستان کی معیشت پر بہت زیادہ منفی اثرات پڑے ہیں۔22 فیصد جوابدہندگان کے مطابق کورونا وائرس سے پاکستان کی معیشت پر کچھ حد تک منفی اثرات پڑ ے ہیں۔ 12فیصد جوابدہندگان کے مطابق کورونا وائرس سے پاکستان کی معیشت پر بہت کم منفی اثرات پڑے ہیں جبکہ4 فیصد جوابدہندگان کے مطابق کورونا وائرس سے پاکستان کی معیشت پر بالکل بھی منفی اثرات نہیں پڑے ہیں۔ تاہم 7 فیصد جوابدہندگان نے کسی رائے کا اظہار نہیں کیا۔ گیلانی ریسرچ فاؤنڈیشن کا حالیہ سروے گیلپ انٹرنیشنل سے منسلک گیلپ اور گیلانی پاکستان کی مدد سے کیا گیا۔ یہ سروے پاکستان کے چاروں صوبوں کی دیہی و شہری آبادی کے 1503 مرد و خواتین سے 06 فروری تا 27 فروری 2021ء میں منعقد ہوا۔ غلطی کے امکان کا تخمینہ شماریاتی طور پر 95فیصد اعتماد کے ساتھ تقریباً 2-3 فیصد لگایا گیا ہے۔ اس سروے میں ڈیٹا اکٹھا کرنے کا طریقہ فون انٹرویو تھا۔ جواب دہندگان کا تعلق پاکستان کے 100 سے زائد اضلاع سے ہے۔
