نااہلی کا ڈر: فیصل واوڈا کا سندھ ہائیکورٹ سے رجوع
پاکستان تحریک انصاف کے رہنما فیصل واوڈا نے نااہل ہونے کے خطرے کے پیش نظر الیکشن کمیشن کے فیصلے کیخلاف سندھ ہائیکورٹ میں درخواست دائر کردی۔پیر کو پاکستان تحریک انصاف کے رہنما فیصل واوڈا نے الیکشن کمیشن کے24فروری کے فیصلے کیخلاف سندھ ہائیکورٹ میں درخواست دائر کردی۔ درخواست میں موقف اپنایا گیا کہ الیکشن کمیشن کو میرے خلاف نااہلی کیس سے روکا جائے۔ الیکشن کمیشن نے حقائق کے برخلاف میری درخواست مسترد کی۔ الیکشن کمیشن کو میرے خلاف شکایات سننے کا اختیار نہیں۔ میں نے اعتراض عائد کیا جسے مسترد کردیا گیاالیکشن کمیشن کو میرے خلاف شکایات سننے کا اختیار نہیں۔ رہنما پی ٹی آئی فیصل واوڈا نے حکم امتناع کی بھی استدعا کی ہے۔سندھ ہائی کورٹ نے فیصل واوڈا درخواست منظور کرلی اور منگل کو اس پر سماعت ہوگی۔
