ڈاکٹر یاسمین راشدکا خواتین کے حقوق کے تحفظ کے عالمی دن کے موقع پر پیغام
وزیر صحت پنجاب ڈاکٹر یاسمین راشدنے کہاہے کہ دین اسلام نے خواتین کی عزت و احترام کوواضح طور پر بیان کیا ہے۔دین اسلام میں خواتین کو دیئے گئے حقوق کا مغربی دنیا تصور بھی نہیں کرسکتی۔اللہ تعالیٰ نے ماں ، بیٹی اور بہن جیسے عظیم اور منفرد رشتوں کا آئینہ بنا کر عورت کو مقام دیا ہے۔صوبائی وزیر صحت ڈاکٹر یاسمین راشدنے خواتین کے حقوق کے تحفظ کے عالمی دن کے موقع پر اپنے پیغام میں کہاکہ کوئی بھی معاشرہ خواتین کو عزت و احترام دیئے بغیر ترقی کی منازل طے نہیں کرسکتا۔پاکستان میں خواتین زندگی کے ہر شعبہ میں بہترین اور شاندار کردار ادا کر رہی ہیں۔محکمہ صحت پنجاب میں خواتین فیکلٹی ممبران، ڈاکٹرز، نرسز اور لیڈی ہیلتھ ورکرز کے علاوہ دیگر شعبہ جات میں بطور کارکن بہترین فرائض سرانجام دے رہی ہیں۔صوبائی وزیرصحت نے کہاکہ ملازمت پیشہ خواتین کیلئے آسانیاں پیدا کرنے کیلئے صوبہ بھر میںڈے کیئر سینٹرز قائم کئے جا رہے ہیں۔ماں اور بچہ کی صحت کو یقینی بنانے کیلئے صوبہ کے پانچ اضلاع اٹک، راجن پور، بہاولپور، سیالکوٹ اور لیہ میں 28ارب روپے کی لاگت سے نئے مدر اینڈ چائلڈ ہسپتال بنائے جا رہے ہیں۔وزیراعظم عمران خان نے اقتدار سنبھالتے ہی ملکی ترقی میں خواتین کی اہمیت پر زور دیا تھا۔ڈاکٹر یاسمین راشدنے کہاکہ بحیثیت خاتون وزیراعظم عمران خان اور وزیراعلیٰ پنجاب سردار عثمان بزدار کے ویژن کے مطابق پنجاب کی عوام کو صحت کے شعبہ میں بہتر سہولیات فراہم کرنے کی کوشش کر رہی ہوں۔
