امیر جماعت اسلامی سراج الحق نے لاہور میں پی ٹی آئی کارکنوں پر پولیس تشدد اور لاٹھی چارج کی شدید الفاظ میں مذمت کی ہے اور اسے آئین، قانون اور جمہوری تقاضوں کی خلاف ورزی قرار دیا ہے۔ منصورہ سے جاری بیان میں انھوںنے کہا کہ پرامن جلسے، جلوس اور ریلیاں منعقد کرنا ہر سیاسی جماعت کا حق ہے جو اس سے کسی صورت نہیں چھینا جا سکتا۔ انھوں نے کہا کہ حکومت اس طرح کے غیرجمہوری ہتھکنڈوں سے باز رہے اور پی ٹی آئی کو اپنی انتخابی مہم اور پرامن ریلیاں اور جلسے جلوس کرنے کی اجازت دی جائے۔ انھوں نے کہا کہ جماعت اسلامی نے ہمیشہ آئین، قانون کی بالادستی کی بات کی ہے۔ جماعت اسلامی چاہتی ہے کہ ملک میں عام انتخابات ہوں تاکہ لوگ اپنے نمائندے آزادانہ اور شفاف طریقے سے چن سکیں۔

لاہور:مختلف سکولز کے اساتذہ اور طلبا و طالبات کا جناح ہائوس کا دورہ