مقبوضہ جموں و کشمیر میں حملوں کی خبریں فیک ہیں، سیکیورٹی ذرائع

پاکستان سیکیورٹی ذرائع کا کہنا ہے کہ مقبوضہ جموں و کشمیر میں حملوں کی خبریں فیک ہیں۔ سیکیورٹی ذرائع کے مطابق بھارتی میڈیا مقبوضہ جموں و کشمیر میں حملوں سے متعلق جعلی خبریں پھیلا رہا ہے، حملوں کی خبریں بھارتی میڈیا کا پروپیگنڈا ہے۔ جھوتی خبروں کا مقصد یہ تاثر دینا ہے جیسے پاکستان نے مقبوضہ کشمیر پر حملہ کردیا۔ سیکیورٹی ذرائع کا کہنا ہے کہ جھوتی خبروں کو پھیلا کر بھارت پاکستان پر جارحیت جاری رکھنے کا جواز چاہتا ہے، جھوٹی اور من گھڑت خبروں میں کوئی صداقت نہیں۔ اب سے کچھ دیر قبل بھارتی میڈیا نے پروپیگنڈا کیا تھا کہ مقبوضہ جموں میں زور دار دھماکا سنا گیا ہے جس کے بعد فضائی حملے کے سائرن بج اٹھے ہیں اور مکمل بلیک آؤٹ کردیا گیا ہے۔