سیف سٹی کیمروں کے ذریعے ماحولیاتی آلودگی کا باعث بننے والی درجنوں گاڑیوں کو پکڑوا دیا گیا سیف سٹی کیمروں کے ذریعے دھواں چھوڑنے والی گاڑیوں کو ای چالان جاری کرنے کا سلسلہ جاری سیف سٹی کیمروں کی نشاندہی پر کوڑے کو آگ لگانے والوں کے خلاف قانونی کارروائی عمل میں لائی جا رہی ہے۔ترجمان پنجاب سیف سٹیز اتھارٹی لاہور:8 نومبر... پنجاب سیف سٹیز اتھارٹی نے انسداد سموگ کے حوالے کریک ڈاؤن جاری رکھتے ہوئے کیمروں کے ذریعے ماحولیاتی آلودگی کا باعث بننے والی درجنوں گاڑیوں کو پکڑوا دیا۔تفصیلات کے مطابق سیف سٹی کیمروں کے ذریعے دھواں چھوڑنے والی گاڑیوں کو ای چالان جاری کرنے کا سلسلہ بھی جاری ہے۔اس حوالے سے شہر کے داخلی و خارجی راستوں،مصروف اور اہم شاہراؤں پر کیمروں کے ذریعے مانیٹرنگ کی جارہی ہے۔سیف سٹی کیمروں کی نشاندہی پر کوڑے کو آگ لگانے والوں کے خلاف قانونی کارروائی عمل میں لائی جا رہی ہے۔شاہراؤں پر دھول، مٹی، ریت اور دیگر گندگی پھیلانے والی گاڑیوں کے خلاف بھی کارروائیاں کی جا رہی ہے۔ترجمان پنجاب سیف سٹیز اتھارٹی کا کہنا تھا کہ سیف سٹی جرائم کے خاتمے کیساتھ ماحول کی صفائی اور شہر کی خوبصورتی میں اضافے کیلئے مصروف عمل ہے۔سموگ کی آفت سے نجات کیلئے شہری بھی اپنا کردار ادا کریں۔سگنل پر گاڑی سوچ آف، کوڑے کو آگ مت لگائیں اور پبلک ٹرانسپورٹ کو ترجیح دیں